FS/H/K-FS/D/I/1Herren

So aus is und gar is. Sauba Jungs. So jetz no a Bier auf den Sieg. Quirl des kost a Hoibe

Abpfiff der Begegnung

Eigentor durch FC Finsing III

Okay. Ja Freistoß von uns und dann werd sauba drüber und ja der foid hoid nei. Lässig

Strafstoßtor für FC Finsing III

Ah zefix. Unten rechts vom Schützen aber da Unte war no dro. Zefix. Aber jetz ned aufstecken mia san no vorn. Ruez gelb wegen dem Foul

I hoff der Finsinger hod a guade Haftpflicht. Des Auto is fei nei do herausn. Glück ghabt das de Scheim des aushoid :D

Wechsel bei SG Buch am Buchrain / Forstern 2

Nomoi Doppelwechsel. Steph und Khalil gehen naus und Juli und Harry kemman nei. Stark gmacht und geile Vorlage Khalil. Und da Harry hod glei de Chance ghabt aber er ziagd ned einfach ob

Tor durch Manuel Mavunza (18)

Ja stark. Geiler Boi durch aufn Khalil und der schiaßd an Keeper ab. Der wehrtn hoch nach hinten ab und da schiabdn da Manu eingesprungen nei. Sauba gmacht

Ah zefix. Goaße startet durch aber da Keeper machts stark. Ja jetz is bissl Würze in da Suppe

Und glei die Demonstration vom Manu. Er stoppt den Boi auf da Linie aber is z‘dünn aufgstraht das mas sigd

Wechsel bei SG Buch am Buchrain / Forstern 2

Doppelwechsel. Schneider und Maison gehen und Omar und Manu kemman. Sauba gmacht Jungs und de wo nei kemman Gas gem wie irre. Manu laffd eh wieder Brandspuren in Rasen und da Omar spuids schwindlig bis speim

Oida is da Khalil mächtig. Wia a Spinne bringt er immer an Hax an Boi und kimmd durch. Und schnell is der do schnoizts weil er einfach de Schallmauer durchbricht. Sau stark

Geiler Freistoß vom Schneider. Er lassd ned locker. Mei hätt er gestern wos drunga wia gega Zorneding damoi warad der im Knick glandet. Aber trotzdem geil gschossn. De Ecke bringt leider nix ei danoch

Und glei moi gehts auf. Steph laffd durch aber is im Abseits. Kurzer Protest aber war scho richtig. Und glei danoch macht da Finsinger des gleich wia in da erste Hoibzeit und legdn am Tor vorbei. Fairplay weil da Unte is scho am Boden gleng

Beginn der zweiten Halbzeit

Meace Schiri. Erstmoi gehma zum aufwärmen weils friad wia im Winter. Saggra fast Glühwein Temperaturen. Aber werd scho wern. De andan hoggan sich ins Auto aber i glab i hoi ma no a Bier

Halbzeit der Begegnung

Ja saggra. Und scho wieder a sau guade Chance. Aber der Keeper wui heid an Schneider ärgern. Geht scho no Lukas hausd eam scho no oan nei

Ah schade. Mia klären an Boi und da Schneider startet perfekt durch und geht alloa aufn Keeper zua. Aber der machts leider zu guad und hoidn. Aber starke Aktion vo uns

Jetz laffds so dahi. Nix aufregendes nur a wengal scheiben im Mittelfeld

Jausa. Hamma Glück ghabt das an Finsinger glab i as Flutliachd blendet hod. Miasad nur no neischiam aber legdn vorbei

Tor durch Andreas Bauer (8)

Und dann foids. Stark naus gspuid und dann machts da Magic. Lieblingsgegner dad i moi song. Innerhalb von oam Jahr zwoa Tore gega de. As nächste moi no weida vorn er trifft aus alle Lagen

Geile Aktion. Wieder ein weiter Einwurf vom Maison, jeder Fussballenthusiast schnalzt, und dann kimmd a geiler langer Boi aufn Schneider und der bringt de Flanke stark und da Maison köpft vorbei

Gelb fürn Schneider weil Foul. Komma scho pfeiffen. Kimmd ned guad und da Klärungskopfboi landet sicher im Unte seine Arme

Eieiei i glab do brauch ma moi Regelkunde. Alle Spieler moanan Schiriboi aber er hod unterbrochen und gelb am Finsinger gem. Dann gibts richtig wia da Benny sogd Freistoß.

Freistoß für Finsing. An unserer rechten Ecke

Anpfiff der Begegnung

Ao heid wichtigstes Spui gega Finsing. Quirl heid gehts auf. Schauma moi wos werd. Koid is wie kurz vor da Winterpause. Aber mir wärmen uns hoid auf