414 Kreisklasse 4Herren

Ja jetz is gar. Mei im Grunde verdient mit dem Punkt für beide. Aber ja war echt a guads Spui do kimm i nomoi her. Und zwar am Sonntag wenn mia mit da zwoatn a wieder do spuin. Und nomoi an scheena Gruaßan Richi. I hob ned vui gseng vo dir aber des wosd gmacht hosd war einfach eines Stümerstars würdig. Aber jetz dring no a hoibe und am Sonntag schauma zam zua. Dann hob i a no an Gastticker vom Gegner. Schaumamoidannsengmasscho. Scheena Omd eich alle no

Abpfiff der Begegnung

Gelb-Rote Karte SC Kirchasch

Und Gelb Rot a no wega Boi wegschiaßn. Naja woas ned ob ma des no gem muas aber okay. Der Freistoß geht leider vorbei bzw da Kopfboi

Aiso des is de breiteste Mauer de i jeh gseng hob. Aber ned weils z‘dick san sondern weils 7 Mann warn. Krass

Wechsel bei SC Kirchasch

Und jetz is bassiad. As erste moi glab i das i an gegnerischen Spieler namentlich beim Wechsel erwähn. Jetz bin i moi gspannt obsd as hoidsd wosd heid gsogd hosd in da Arbad. I hoffs ja ned weil du zwoa Heisl okündigt hosd. Aber wennsd des machst griag i Freigaben bis i in Rente geh ohne Nachfragen

Bilale Mardi (9) für Andreas Ullmann (11)

Und dann kimd da Billy fürn Ulla. Der hod grod no oans saggrisch knapp neban Pfosten gjogd. Aber er is eh a medizinisches Wunder. In dem Oida no so laffa kinna brutal. Aber da Billy gibt jetz nomoi Gas das er sich sei Hoibe verdient

Andreas Freiwald (17) für Felix Eiermann (7)

Und vor lauter Aktionen und schreim hob i glatt an Wechsel überseng. Aber mei Cotickerin Tini huifd ma 1a. Da Felix streicht de Segel und da Freiwoid is kemma. Jetz kimmd Torgefahr und nomoi Technik nei. Aiso Andi jetz zählts

Puuh. Da Kirchaschner hod glab i Schwarzpuifa gessn so wia der schiaßd. Aber da Renauer pariert. Und de Ecke danoch is a nix für Leid mit schwache Nerven. Aber mia kennans klären

Maximilian Faltlhauser (12) für Lukas Gröppmair (4)

So da Hauser kimmd fürn Gröpp. So wia der si olangd is as Greiz oder so. Hexnschuss glab i ned hob nix ghead. Und jetz machts da Foite. Do brauch i nix schreim weil i woas das der werkt wia a Irrer

Tor durch Dominic Fumelli (13)

Ja saggra endlich belohnt. Strittige Situation davor mim Samu und do war Kirchosch vo da Roin und ned konzentriert. Und dann schnell schnell nach vorn und da Domi schiaßdn schee ins Eck nei. Verdient der Ausgleich. Auf gehts Männer ned nachlassn und weida macha

Ja des hod ma leider gseng das des nix werd. Hod fast nach an verunglückten Ecke ausgschaut aber is guad kemma. Aber da Domi steht a wengal weit weg und haudn vorbei. Ja madig aber geht scho Buam. Schaut guad aus bis jetz

Beginn der zweiten Halbzeit

Und zum Abschluss vo da Hoibzeit nomoi 2€ vom Kirchoschner. Schee ins Maisfeidl. Do gfreid sich da Richi auf da Bank wenn er den hoin derf. So Hoibzeit und ja mia hams hoid oafach ned gmacht. Feid a wengal as Glück. Aber kimmd scho Männer. De warn zum Schluss a nimma auf da Hähn

Halbzeit der Begegnung

Und i hätt gmoand der kimm schlechter. Samu ziagd nach am langa Freistoß der abprallt aus 25 bis 30 Meter ab. Und so weit geht der ned am Heisl vorbei. Schee aber davo kemma uns a nix kaffa. Zwoate Hoibzeit jetzad dann Gas gem Buam

Aber jetz gibt glei an Hagelschaden im heimischen Tor so wia de Bälle eischlong. Brutal. Aber es geht hoid ums oschlecka koana eine. 5 Minuten no Burschn

Jausa da Keeper von Kirchasch da Sven hätt an Domi fast ind Steinzeit gfaustet. Grod das eam de Wucht ned a Mönchsfrisur rasiert hod. Aber ois guad ganga

Und top Reaktionen auf da Tribüne. Obgfäischda Boi. Aber unsre zwoa ehemaligen Keeper Schorsch und Woife hams hoid no nia ned verlernt und parieren den spitzenklasse. Einfach a Schau

Oida Schmoiz so in Rücklage beim Kopfboi. Aber is hoid a gleanda Verteidiger a mit Gwoid bringt er den ned aufs Tor weil da innere IV sogd des geht so ned. Ma muas hoid moi seine Urinstinkte unterdrugga Schmoiz

I muas jetz moi echt moi song des i fuaßballerisch sau guad gspuid vo Kirchosch. Muas i neidlos anerkennen und wer den Ticker kennt der woas das i des selten mach. Aber brutal wia de si durchspuin. Aber de Chance jetz sauba Richtung Maisfeidl gschnoizt. Ja es geht hoid ned immer ois glatt zum Glück für uns

Oida samma a Flipperautomat oder warum ballernd uns Boi um Boi um de Ohrn und irgendwia fliagda trotzdem immer weg? Wilde Phase und des glei am Anfang

Strafstoßtor für SC Kirchasch

Und eiskoid ind Mittn. Aber geile Tormusik hams. Da legendäre Edi Finger. Ja i werd a narrisch wia oafach er den ind Mittn haud. Aber Jungs nix verloren ham no 80 Minuten. Auf gehts

Ja i hobs verschrian. Jetz gibts oan. Zefix wie konn der so frei durchkemma? Aber zwoa Verletzte. Samu und da Kirchoschner. Hoff ma nix schlimmas

Ja glei moi elegant gstartet. Domi reisst si los und laffd wia da Deife. Sei Flanke „verunglückt“ und foid fast beim zwoatn Pfosten nei. Sau guada Start. Aber glei danoch macht da 37er an Bogenlauf wia beim Handboi und umkreist oamoi an 16er von uns. Am Ende wui er an Elfer. Nix gibts

Anpfiff der Begegnung

Serwas und Grias eich vo da Baustei in Kirchosch. Ja mia ham scho a wengal schaun miasn wo ma parken. Und i glab der Bagger is da aktuelle Mannschaftsbus vo Kirchasch. Ja schauma moi wos werd. Scheens Weda hamma und koids Bier a. Scheena Gruaß schomoi an Richi, Glasl und an Dasche. Letzterer glänzt mit Abwesenheit soweit ichs sig. Aber i lass mi gern überraschen. Aiso gut Kick in die Runde